Kosovaki Agencia vash o statistike (ASK) organizingya konferenca vash o medie phando e procesea e populaciako registripe vash 4 kurkyuni buti ano tereni e populaciaki, familyaruni ekonomiaki thay apartamentyengi (ReKos2024).ASK denga pe janipe kay ji akana registrisale 900.000 dizutne, transferinla Reporteri.net.

Ekzekutivuno sheruno shefi e ASK-Avni Kastrati phengya kay adive si o 24-to dive ano tereni.

“O Registrusya si aktivno ji akana na simen refuzipya, numay ano sistemi amenge na avla sar refuzipe.Amen potenciringyam kay o registripe e populaciako sitov kriseya regulimo. ASK-informinla kay sa odola kola refuzina te len kotor ano registripe si te raportingyon” phengya o Kastrati.

“Kerava karhipe e srbyune komuniteteske kay akava procesi nasi politkno procesi” potenciringya ov.

Phando e kriseya vash o regitripe e populaciako, ekonmiyengo thay familiengo,  personya kola refuzinena o registipe o jobe si te lelon sherdipa 30 ji 2000 euro, may bari gjoba sit e ovel ji 20.000 euro vash o biznisiya.

Phando e oficonalno nakle registripa e populaciako, o gendo e Kosovake dizutnenge sine 1.8 milioni, 25.000 olendar sine kotar srbyuno komuniteti.

E informipeya kotar srbyuno civiluno amalipe ani Kosova, pashe 100.000 kotorleyune kotar srbyuno komuniteti jivdinena ani Kosova.

Registripe e populaciako, ekonomikuno thay familengo ani Kosova, shrdingya pe data 5 aprilo thay ka phiravgyol ji pe data 17 may.

O Registripe e populaciako gndisalo te adikergyol ano bersh 2021, numay vash o sebepi e pandemiako trumisalo ji akana. Raportinela, Reporteri.net