E Kosovake Demokrativuna Ligako sheruno, Lumir Abdixhiku, palo agoripe e kedipasko e sheruneministrea ano obligipe, Albin Kurti, vakergya anglo medie phando e Kosovake Presidenteske alosaripaske puqipa.
Abdixhiku phengya kay kotar o 9.to yuli realizinde biaqhavde kedipya thay diskucie vash akava puqipe, potenciripa kay o diskucie nasine lokhe.
LDK thay VV sine angazhime vash te arakhen yekh konsensualuno anav vash e thanesko presidenti.
O anav koleya dakordisale sol duy partie si o Dr. Bekim Sejdiu, kova sile yekh uqhi karriera.
Dr. Bekim Sejdiu – sine Krisatori ani Kosovaki Republikaki Konstituciaki Kriselin ji pe 2021.to bersh, eks ambadori e Kosovako ani Turkia 2008-2012, eks Konsuli ano Nju-Jork, prosefori ano Yuridikuno Fakulteti e Prishtinake Universitesko.
