Pandemia COVID-19 qalavgya e manushen thay komuniteten kay jivdinena ano qalavde kondicie ano may phare ovipya. Dikhlilo yekh konsiderimo bayripe e violencako ani familia, violenca ani polyengi baza, thay seksualuni violenca mamuy o juvla thay qhavore. Situacia mothavgya kobar siton decizipeske o socialune servisya vash te sigurinen kay o sah qhaya, qhave, juvla thay mursha kola silen mangipe te len yekh respodipe ano vahti, may buderi vash pandemiake aqhipya.

Odoleske, Save the Children Kosova inicingya aktivitetya te sugurinel kay o manusha kola jivdinde e violenca ani Kosova silen akcesi ano shayutne profesionalune servisya.  O servisya ayekha vi rodena te den adekavtune angloaqhavipeske intervenipya. Astardile vi o servisya e referipeske dende prekal o dikhlaripeske mekanizmya vash o sure e violencako ani familia thay trafikipe.

Ayekha servisya, kola akana dengyona kotar deshuduy licencime organizacie astarena: siguruno thanipe; akcesi pe bipokipesko legaluno azhutipe thay garavipe; psikolojikuno azhutipe; socialuno vay/thay sastipeske servisya; leindoy kotor servisya vash respodipe mamuy COVID-19; butyake treningya; asistenca vash planifikipe e karierako, thay kapacitetengo vazdipe. Akava aktiviteti targetingya may buderi se 300 qhave thay qhaya thay 775 juvla thya mursha ano efta regionya e Kosovake.

Prekal e talograntyengi skema, 46 organizacie astarde ano akava kontaktinde may but de 1,912 qhavore  thay 2,755 bare manushen kola jivdinena ano phare kondicie ani Kosova andar yekh bersh.

E Akcia ‘Zorakeripe e Deipesko e Socialune Servisyengo vash May Qalavde Grupe ani Kosova, ano respodipe mamuy COVID-19’ ano phanglipe e Save the Children Suedia thay financingyola kotar Ofisi e Evropaka Uniako ani Kosova.

Vash may buderi informacie vash shayutne socialune servisya ani Kosova, ruyjina tumen vizitineni e platforma: www.info-sherbimesociale.org