Adive pe data 12.09.2018 , ano Komuna obyekta adikerdilo o avutno kedipe , e mangipeya vash o informipe e studyencar vash o bukyane hakya , thay leyipe e godinipeyngor kotar akala studenya . Akava kerdilo vash o hramipe e nevo dokumentesko kote ka ovel kotar i organizaciya Nevo Koncepti , kote o dokumenti ka phiragyol ko adekutane Direktoriyatya thay Minisitriye .

"E studentyenge manglape may baro ajutipe kotar o kompetentyune organya,so si may semno manglape buti,isi but personya kola agorime o studipya thay naj kerde niyek dive buti po poro profesioni" vakergya e Urma Menkeshe,studenta ano Prizrenosko Universiteti

Ano akava kedipe,menajerka e projekteski r.Tringa Kasemi,lepargya kay ka kerel avokipe,vash may lacune kondicie e studentyenge,thay ka ovel pe respodipee sakole studenteya vash te pherel olenge manglipya.

"Amen musay siyem te kera so po but kedipya e studentyencar vash te penjara o problematike thay tumare mangipya,amen sar organizacia siyem pe respodipe tumenge ano sakova momenti te realizina tumare mangipya kola siton po favori e sakole studentesko,thay so si may semno ka avokina sasavipeya te oven pe tumare bukyake thana,ano avutne kedipya ka ova po kontakti thay te khara e relevantyune personya kola manglape te pheren amare mangipya ano universitetya vay ini ano Prizreni.Vakergya r.Kasemi ano akava kedipe.

Gynesh Veshall koya registrisali ani angluno bersh ano Universiteti e Prizrenosko "Ukshin Hoti" vash amaro radio lepargya kay akala kedipya hiton but semne thay manglape te len kotor sakova studenti

"Akala kedipya isiton but semne vash amenge,vash o sebepi kay akate da amare ideye sar te ovol yek universiteti may lace kondiciyencar,thay kerava apeli e sa studentyenge kotar o Romano,Ashklayuno thay Egiptasyuno komuniteti te len kotor thay te putaren pere problematike thay mangipya ano akala kedipya."