Sherunoministri e Kosovako,Ramush Haradinay,vakergya kay taksa pedero srbyuno produkti na ka cidingyol ano samiti e Berlinesko numay ini ano dayek aver samiti. Yek ayeka deklaracia,sherunoministri Haradinay dengya ani emisia Pressing,kote vakergya mashkar aver ini truyal Samiti ano Berlin,kote ka ajukergyol kota germanyuni kancelara Angela Merkel thay kota franciyako presidento,Emmanuel Macron. Haradinay vakergya kay na ka cidingyol taksa,numay vakerla kay e Mogherini ikalgya kota khelipe e Merkel thay Macron. Haradinay dengya detaipe kota Samiti e Berlinesko kay ka adikergyol lunyako dive. Sar vakergya Haradinay,hraminla “Expres”,Merkel thay Macron rezervinde Kosovake thay Srbiyake ulavdo kedipe.