Aktualune Nevipya
Konfirminla IKSHPK: Hramingyola o yekhto meripe kotar o Koronavirusi ani Kosova
- 22/03/2020
- By Romano Avazo
Share
Nacionaluno Instituti vash e Publikako Sastipe ani Kosova konfirminla kay avdive yaveringya po jivdipe yek pacienti kova sine pashlardo ani Infektivaki Klinika, kova sine infektimo e virusea COVID-19.
Kava sitov o yekhto meripe, o pacienti sinele 82 bersh thay si kotar e Dumnica e Podujevaki. O meribe hramisalo pe ora 9:00 e adisuna data 22.03.2020.
Akava pacienti pe data 16.03.2020 ano 6’to dive e nasvalipasko sinele simadya e pneumoniake kola diagnostfikisale ano Laboratorya e IKSHPK-eske.
O pacienti sinele vi aver kronikune nasvalipya sar kardialune thay bukenge nasvalipya.
Akava manush sinele kontakti pe chavea thay para cha sar jene kola ikliste pozitivune taro testi.
...................................................................................................
Akaleya musay siyam te phena vash te respektinen sa o rekomandipya kola ule akala dive taro amare institucie vash ten a buhlol thay bayrol o gendo e infektimo jenego ani aver rig manga kay akava te ovel angluno thay agorutno janglaripe vash o meribe taro virus.
