Aktualune Nevipya
Pelaripe e godyako pe lungipe e duyto lumyako mareba ano logori e tasavipesko
- 26/01/2019
- By Romano Avazo
![](https://radioromanoavazo.com/app/uploads/2019/01/38403441_10205005381411583_1159383875609165824_n.jpg)
Ani sheruni diz e Kosovaki Prishtina,pe angluni ver ka ovel marshi kota o terne romane studentya,kolesko organizitori isito Denis Galush. Sebepi e Marshesko isito kay te pelakeren pe godi romane viktime ano Duyto Lumyako Mareba. Ayeka kay pe data 27.01.2019.bersh(tahara) si te shrdel marshi kota o centro “Zahir Payaziti” e orata 16:30. Kote ka mothagyol inin yek artistikyuni performance vash 500.000 romane viktimyengo,kola chinde thay tharde romen ano kampi Auschwitz.