Pe 25.to septembari 2026, ano DokuKino, ani Kompleksi Europa ano Prizreno, adikerdilo o promovipe e pustikako “O Suno te na ovel qhaqhipe”, drama e dramaturgeski, aktoreski thay romana qhibyake sikavneski Nexhip Menekshe.
E pustik, botimi ano romani qhib thay irandi ani albanyuni, anglikani, serbyuni thay turkyuni qhib, tretirinla e puqipe e Terne Prandipyengo thay o ziyani kay anla ko terne qhaya, deipa anglunipe vash o mahatnipe e siklipasko, familiarune phikoipasko thay qhayenge hakayengo vash te alosaren poro avutnipe.
Ano promovipe desar e publikatoratar Urma Menekshe lele kotor sar panelistya Emilija Redzepi, talosheruni e Kosovake Republikake Parlamenteski, Sejnur Veshall, taloministro e Ternengo thay Sporti thay Fatmir Menekshe sar literaturako jeno.
Pe lungipe e diskuciako moldisalo buderi e Nexhip Meneksheski buti thay o mesazhi kova biqhalela mashkaro arti thay siklipe. E dramako publikipe reprezentinla vi ayekha yekh forma vash te garavel ki godi thay o artistikuno baravalipe e autoresko Menekshe.
Promovipe organizaslo yekh laqha atmosfera, kote lele kotor drabarne, institucienge.
“Suno te na ovel qhaqhipe” aqhola yekh drama e yekhe zorale mesazhea vash siklipe, dinyiteti thay hakay e sakola qhayako vash te kreirinel korkori poro avutnipe.
O pustika shay te arakhen ani Prizrenoska Komunaki biblioteka thay ki Romani Biblioteka desar akalestar ajukergyola ano avutne dive te distribuingyon vi but aver biblioteke akala neva drama.
