Ministri Anton Quni, ano poro lafipe phengya kay o Kurti sile pandar yekh shanca vash te akseptinel e LDK-eski oferta vash te iranel e Veliu pi buti thay te cidel e taska 100 procentya vash te phiravgyoll thay te lugyargyol e raipeski kualicia.

Quni phengya kay o Kurti sile vahti 1 ora, mashkari pauza vash e viraynengo ridikhipe kola manglile sar ultimatum taro LDK-esko sherunipe.

Palo akava ov ka kerel sah so manglape kay te achavgyol e mocia thay te phiravgyol e koalicia LDK-VV. Ov sit e kharol e Mustafa thay ka vakrele e aver deputetencar vash cidipe e mociako tesi kay akala mangipya ka akceptingyon taro sherunoministri Kurti.