Akana e tarifa 100 procent vash e Serbiake mallyengo importipe si te yaveringyol e reciprociteteya.

E Kosovake dizutne sakoya var sinelen gatisaripe thay mangipe vash te tretiringyon beraberune sa e aver rashtrenge dizutnencar: phenlla o Kurti.

Oleske alava vash akaya deciziya si:

Avdive pe ora 00:00 miri deciziya sar sheruno e Raipasko khugya ano zoralipe.

Amari Kosovaki Republika sinola thay siola pandar mangipe vash o beraberuno treteripe mashkaro rayoneske rashtre, bizo anglipatape (stereotipya), bizo simad, vash te phirava amare jivdipaske thay profesionalune aktivitetya.

Vi aykeha, o Ledeipe vash o Tarife thay Kinbinibe (GATT) e beshkeski 1947, kote yaverisali pe 1994, si yekh temelyuno instumenti e Kinbikinibaski sumdaleski Oeganizacia, kote pinjarla e reciprociteteske mase, nadiskriminipe e may favorizima rashtraki. Akala lekanipya si vash te sigurinen yekh beraberuno tretiripe mashkaro kinbikinibaske politike kote eliminina o bariere.

Ji akana e Serbia angya e Kosovake yekh baro kinbikinibasko deficiti kote na mukla o eksporti thay importi kotar e Kosovaki Republika.