Pe 6.to augusti, BRO Durmish Aslano sinele privilegia te shukar ajukerel ano pere ambientya e ry. Anu Prattipati, Uqhi Diplomata ani Amerika Yekhune Rashtrengi Ambasada ani Kosova thay ry. Joanne Fairley, Direktora e Peace Corps ani Kosova.
Mashkari vizita penjardile may pashe e BRO Durmish Aslano-ska historia, misia thay aktivitetyancar thay e bi aqhavdi buti vash garavipe, promovipe thay avansipe e romana qhibyako, kulturako thay tradiciako ani Kosova.
Ano rami e vizitako prezentisale o departamentya thay o sherune programya sar si: Muzikako thay Fokloresko Ansambli, Romano Teatro Nexhip Menekshe thay Radio Romano Avazo koya mashkaro lakere programya kontribuinla ano informipe thay zoralipe e romane komunitetesko.
Vi ayekha o misafirya sinelen shayipe te penjarempe e Romana Biblioteka thay o avera kulturune inciative.
BRO Durmish Aslano, si qalarne e akala uqhe niveleska vizita, konkretno e may uqhi diplomata e Amerake Yekhune Rashtrenga Ambasadaki, Annu Prattipati – ambasada koya kreringya thay phikongya bershencar akaya organizacia thay e sherune e Peace Corpeski – Joanne Fairley – kote ji avdive lele kotor sar volenterya may buderi se 3 terne.
