10.to yubilaruno bersh e festivalesko AKE DIKHEA? Ano Berlini: Romano Filmi sar than vash garavipe thay promovipe e kulturako.
Ano Berlini hramisalo o 10.to yubilaruno bersh e Mashkarselikane Romane Filmeske Festivalesko AKE DIKHEA?, talo organizipe e r. Hamze Bytyci – yekh e may bare filmeske profesionalistyendar, yekh mahatno ovipe dedikimo vash e romani kinematogravia thay promovipe e historiengo, kulturako thay romane identitetesko.
Ani akaya edicia, sar kotorleutno ani yuria lela kotor o Benjamin Menekshe – kotar o Prizreno, kova penjargyola sar filmengo rejiseri, kote sinele shayipe te dikhel specialune filmya, numay vi te reflektinel pederal e rola thay potenciali e romane komuniteteski ano avansipe e romani kinema.
“Filmi moldisalo sar mahatno mehanizmo vash te dokumentinel, garavel thay biqhalen e kultura thay romane historie ko terne avutne genecaria thay may buhli publika.”, phenla o Benjamin Menekshe.
Benjamin Menekshe ano Berlin sini kotor e ver-verune panelyengo thay dialogyengo vash o romane filmya kote arakhlape mashkarselikane manushencar kola si aktivune ko fimlesko thay kulturako sektori, yekhedromeya penjarkargyaolen pederal e Prizrenoske thay Kosovake romenge kulturake baravale bukya.
