Sherunoministri e Kosovako,Ramush Haradinay,vakergya kay o bersh 2019 na ka ovel loko vash Kosova sebepi e procesesko prekal kolate ka giriqinel. Sheruniministri e Kosvako, Ramush Haradinay,vakergya kay adikeripe e alosaripasko odova anglovahtyuno pe akava bersh na sito thanutno interesi. Ani yek dendi intervista vash gazeta “Epoka e Re” ov vakergya kay 2019 bersh na ka ovel loko vash Kosova feri so ka ovel pe qekat e procesea vash dialog e Serbiya thay e Specialune Krisea. Haradinay khargya duy may bare politikune subyektya LDK thay Vetvendosya te oven kethane ano procesi e dialogesko,kote vakergya kay niyek na manglape te daral kota akava procesi. Sherunoministri Haradinay pe akaya intervista vakergya ini vash raportya kay raipe kriiringya e PSD-a. Sar si pe leste,ofisionalune kota akava politikuno subyekti kerde klaruno kay na ka len kotor ano raipe.