Prishtina – E institucionalune reprezentyengo, partnerengo, civilune amalipaske organizaciengo thay buderi dizutnengo kotorleipa, erati ofisialno puterdilo o Multikulturuno Festivali 2026 “Te festuina amare yekhipya”, yekh ovipe kova promovinla e kultura, historia thay o kontributi e komunitetyengo roma, ashkalie thay egiptasya ani Kosova.
E puteripaski ceremonia hramisali e inauguripa e Mobiluni Ekspozicia e centroski KRAH ano sheshi “Adem Jashari”, koya ka ovel puterdi vash o vizitorya ji pe festivalesko phandipe. Mashkaro mothavipya, fotografie thay prezentirime experience, e ekpozicia pasharla yekh reflektipasko ambienti pederal o respekti, shukarnohalovipe thay khetanojivdipe mashkaro komunitetya.
Ani puteripeski ceremonia lele kotor e Kosovaka Republikako sherunoministri ano obligipe, Albin Kurti, Kulturaki thay Turiszmoski Ministra ano obligipe, Saranda Bogujevci, vi ayekha institucienge, organizacienge thay komunitetyenge reprezentya.
Sherunoministri Albin Kurti thay direktori e BRO Voice of Roma, Ashkali and Egyptians lele lafi ani puteripaski ceremonia.
Pali puteripaski ceremonia, lugyardile o aktivitetya e festivaleske mashkari ekspozcia “Phiripe mashkaro diversitetesko obyektivi”, kote adikerdilo ano Barabar Center. Ani ekspozita dikhlilo o phiripe e 7 ediciengo e Multikulturune Festivalesko, anipa mahatne fotografie, momentumya, historie thay impakti e festivalesko andar o bersha. Sah akala dokumentime fotografie sine kotar o penjardo fotografi Xhemail Sllovinja.
Napal, adikerdilo yekh panel diskucia e penjarde personalitetencar sar Anisa Ismaili, Zana Hoxha thay Njomza Uka, kola ulavde piri eksperienca thay refklektipe vash e kultura, identiteti thay promovipasko mahatnipe e komunitetyengo roma, ashkalie thay egiptasya ani Kosova.
E motoa “Kana o komunitetya phirna angle, e Kosova phirla angle”, o Multikulturuno Festivali lugyarla pere aktivitetya ano duy avutne dive kote silen: Publikuno Debati, Poezingi Rat, Biznisesko Dialogi, Kreativune Workshopya, Kedipe e Presidenca, Prasta e Rangyencar thay Phandipasko Koncerti.
