Taloministri vash o Terne thay Sporti, Sejnur Veshall, realizingya yekh kedipe e r. Habit Hajredinea – direktori e Ofisesko vash o Shukarno Raipe, ano rami e Sheruneministreske Ofisesko.
Ano fokusi e kedipasko sine e Strategia vash Avansipe e Hakayengo e romane, ashkalyune thay egiptasyune komuniteteske, ulavde koncentripa ano mangipe vash te bayrol o efikasiteti thay zoralipe e normativuna bazako, e resea kay o anglodikhlarde mase te anen konkretune laqharipya ko komunitetyengo jivdipe.
Pe lungipe e kedipesko, taloministri Veshall biqhalgya vi e pishuni rodlarin e romane thay ashkalyune komunitetyengi kay o godornipe vash o implementipe thay koordinipe e Strategiako te delpe yekhe reprezenteske kotar korkoro o komuniteti.
O duy institucienge reprezentya dakordisale te lugyaren o mashkainstitucionaluno khetanobutikeripe thay leipe e avutne bajakyengo, e resa kay e Strategia te implemntigyol ani konkretuni forma thay te ovel direktuno impakti ano avansipe e poziciako e romane thay ashkalyune komuniteteske ani Kosova.
