Tetradi dive Kosovako presidento Hashim Thaqi, janglargya kalo dive,vash ex-amerikake presidentesko George H.W. Bush. Akava kergya pe janibe prekal yek komunikacia vash medie kota ofisi e presidentesko. “Presidento e Koosvaka Republikako Hashim Thaqi,palo meribe e ex Presidentesko kota Amerikake Yekhune Rashtre,George H.W.Bush,ano simboli e themutne thay dizune respektesko vash olesko dendo kontributi vash tromalipe e Kosovako tetrad dive(5 decembro 2018),kergya janglaripe kalo themutno dive ani Kosovaki Republika” Pe akava kalo dive,themutno bayrako e Kosovaka Republikako ka vazdingyol ano savore obyektya Kosovaka republikake,andre thay avri thanesta.
