Khamnipe isito yek periodi odova ulavdo kova phiragyola emocia ano jivdipe. Buderi juvla isiolen normaluno khmanipe.Khamnipe lungyola inja masek, kote pe lugipe akale masekesko jamaingyola e foshna. Numay shay ovla kay ko nesave khamnipya, te resel problemi ayeka kay isito mahatno, te ovel godideipe pe vahti thay adekvatuno khamnipe. Kola siton signalya e khamnipaske? Aqhavipe kota o masekuno cikli. Soibe thay qhindipe, qhadibe pe taharakyune orya, bayrola o kolin, thay but sig resla urina. Vash te oveltumen qaqipe e khamnipasko shay te oveltum dogripe ano saslaripasko centro.

Soske isiton vasne vizite pe lungipe e khamnipaske?

Sakoya khamni juvli shay te kerel kontrola shov masekuni. Akava shay te phenel kay dela azhutipe vash sasto khannipe tay biyanipe vash e sasti foshna. Kova servisi shay te pashargyol pe lugipe e vizitakko? Tenziya e truposki,te ovel analiza e rateski, urina, te diklol o rat, yase grupa e rateski, te dengyol godi vash habe pe lugipe e khamnipasko, te dengyol medikamenti (hapi) vash te oveltumen sastren numay te angloaqhavel anemia thay sar te paraven e foshna quqya. Savo habe isito mahatno pe khanipe? Khamni juvli shay te ovel po zorali, thay po sasti, te sine kay konsuminla habe baravalo sastreneya, vitamin A acid folik frutya, phuvyake produktya, thud, maqo, thay yaver.

Shay te kerel fiskultura e khamni juvliu? Te sine kay isiola dayk problemi pe lugipe e khamnipasko shay te kerel fiskultura numay odoya loki kova dela azhutipe juvlake vash te biyanel po loke. Sar te adiekren higiyena shuzhipe? Personaluni higiyena shuzhiep, isito ulavipe vasno pe lugipe e khamnipasko. So bilaqharla khamnipe? Vastipe e cigarako, vastipe alkoholi, ver verutne materiye kola siton zeherliye vash dako sastipe, thay foshna na manglape te lenpe o medikamentya (hapya) bizo konsultipe e saslarnesko.

Kana e juvli isitoy khamni, rodingyola te ovel po traynutni te vakerel loke avazao, thay te na resel nevoza yase stresi, feri so o stresi resla, numay ingarla ano bilaqhe droma. Vizita pe vahti thay regularuni pe lugipe e khamnipaskse shaipyuni isito vash e day thay e foshna!!!