Marte dive adikerdilo yekh kedipe mashkaro muyale e Edukipaska thay e Skenciaka Ministriako, E Nacionalune Sastipaske Institutesko, e Sherune ministresko ofiisi, muyale kotar o komunake direktorie thay e Yekhuna Edukipaska, Skenciako thay Kulturake Sindikatako (SBASHK) kote dakordisale kay avutno kurke te ovel ashlipe vash o Edukipaske Anglo-Universitarune Institucie (fundune, mashkarutne skole), jikay o finaluno decizipe phando akalea ka lel o Komiteti anti -Covid ano kuadri e Kosovake Raipesko.

Akaya informacia ulavgya o talomnistri e Edukaska thay Skenciaka Ministriako, Xhavit Rexhaj.

Ov phengya kay pe agor e kurkesko pandar yekh ver ka dikhen thay ka moldinen e situacia thay palo odova ka anagyol yekh decizya.