Uncategorized

Avdive si 16 may, data koya hraminla o yekhto rezistencia e romengi ano logorya e Samudaripeske ano Aushvic

  • 16/05/2021
  • By Romano Avazo
Share

Ano duyto sumdalesko mareva 1939-1945 uzal o hebreya thay o sllavya, ano logorya kedisale vi o roma. Ji avdive phengyolay kay e romengo gendo na sine but baro. Palo but bersha, o Germanya korkore akseptime kay mashkar o mudarde manusha sine vi roma, thay yekh baro gendo olengo.

Jikay sakova dive, kosem ka jan te keren buti palem putergyona o udara e blokyenge vash te iklon thay te lenlen vash te mudarenolen. Numay akava dive, 16 may, akava lelilo kan, angluni ver khuvde kolin e meribaske, lele may zorale bandukya so shay sila yekh armata, va va zorale bandukya sar: kacia, kofa, mistria, sifri... sah odola kolencar kernay sine buti.

Yekhto rezistencia vash te na mudargyon odoya dive.

16 may si mahatno vash o roma, te jana so cidingyem, so kergyem, sar thay soa kergyem, seske kergyem, mamuy kaske kergyem...

Amende mangle te kosen kotar akaya phuv, odoleske, manglape te siklova, te kama yekhe yavere, te ova misalya ano amalipe vash te na ajukera kay ano avutno lumiako mareva (kova na dikyola dur) palem te jivdina odola dukhavne sheya so dikle amaro mileti.

Pelaker ki godi, siklov vash tiri historia, motivingyov olatar thay jan amen rezistingyam e mudaripeske thay niyekh var na valani te aqhol amari rezistencia vash amare hakaya!