Bujeti e Prizrenoska komunako vash o bersh 2019 ulavgyola yekh suma e lovengi kotar 246 mile evro may buderi, kova shay vastingyola ano kapitalune investipya e Komunake. Ayekha informinde o may uqe lokalune autoritetya, hraminla e “GazetaePrizrenit.net”.

Sheruno e Komunako, Mytaher Haskuka, penjargya kay akava resurso avla kotar e Shvacariaki Ageniciya vash Evolviripe thay Ledipe (SCD/Demos) thay Ministria e Administraciako vash Lokaluno Guvernipe vash o shukar zoralipe e komunako,centralipeya vash shukar menajipe e bujetyune sheyengo.

“Shukar informipe si kay o bujeti amara komunako vash o 2019 bersh, ulavdile love e kobaripeya kotar 246,773.00 euro buderipe. Vash akava bujeti, sigate si te iklova propzipyencar vash dedikipe akale lovengo sar si pe prioritetya amara Komunako thay ano favori e dizutnengo”, hramingya ano poro facebookusko profili, o Haskuka.

Sar si pe leste, o love akala bersheske kotar akava granti, e Prizrenoski Komuna investingya ano proyektya e energiyaki, yaveripeya o shevkyenge lampe odola publikuno kolencar shay may hari harjingyola e elektrekuni energiya, sar ini regulipe e mini parkyengo thay trotoaryengo e qharyencar.

Te sikava kay o  “Demos” ini may angle dengya phikodeipe e Prirenoska Komunake./GazetaePrizrenit.net