Ano LDK isiton pakyavipa kay akava bersh ka oven anglovahtyune parlamenatrune alosaripya.Ayeka vakergya ani yek intervista vash Telegraf e jurnalistea Muhamet Hayrulahu,talosheruno akala pariako Lutfi Haziri. Sar si pe leste,LDK favorizinla yek politikuno somgodinipe,mashkar politikune partiye,vash ulavdi data e alosaripaski. Haziri dengya pe janipe kay neve alosaripya shay te organizingyon 30 ji pe 60 dive,palo dialogi e Srbiya. “Akava bersh isito bersh shrdimo vash nacionalune alosaripya. 30-60 dive palo agoruno dialogi ka oven alosaripya.

Amen siyem gatisarne kay alosaripya te oven angledo finaluno somgodinipe e Srbiya.Numay, va yase bizo somgodinipe,parlamenatrune alosaripya ka oven”,deklaringya Haziri vash Telegraf. Haziri na lela pe konsideripe te komentinel te sine kay ovla kandidati vash sheruno,numay vakergya kay shay te ovel somgodinipe andre e partia.