Aktualune Nevipya
Knaus: Yeveripe-leipedeipe e teritoriengo mashkar e Kosova thay Srbiya anla konflikto
- 30/08/2018
- By Romano Avazo
O Direktori e Evropaka Iniciativako vash o Stabiliteti, Gerald Knaus, phengya kay e debata vash yaveripe e samadredyengo mashkar I Koosva thay Srbiya si rizikuni thay shay te takyarel o konflikto ano Balkani.
Ov phengya kay o Kosovako presidento , Hashim Thaçi, na sile mandati kotar e Kosovaki Kupatna vash te dikutinel truyal e teritoriyaluno yaveripe-leipedeipe thay phengya kay o yaveripe e samatredyengo na resursinla e srbyenge interesesko kola jivdinena ano kotor e Kosovako kola mangna bereberipe e Srbiya.
Ov phengya kay e amerikaki administrata yaveringya poro prastav vash akava puqipe thay na si abokar interesimo vash o Balkani.
Kana si o lafi vash e Rusiya, o Knaus phengya kay e Mosokva mangla te anel pharipe kana si o lafi vash integripe e Balkanesko ani Evropaki Unia.