Yaverunoministri e Garavipesko, Burim Ramadani, sikavgyape siguruno so e Kosovaka Republika so sit e ovel o 31-to Natosko Smojeno. Ani akaya intervista dendi vash I gazeta “Epoka e re”, ov phengya so vash akava resipe e Kosova manglape te kreirinel politikune thay diplmativune angashipya.

O Ramadano vakergya vash sakova shaipe so e naduryaripe e taksengo vash o serbyengo malya sit e anen efekti ano raporti e FSK-ako e Amerikake Yekhune Rashtrencar.

Sari se pe Yaverunoministri e Garavipesko, akala duy sheya si phangle mashkarpeste.

“O stratejikuno  specialuno partneriteti e AYR-ngo na ulo ad hoc, si stabiluno thay sahrigyuno”, phengya o Ramadani.

Ani akaya intervista dendo ano suro e 11-bershesko e janglaripesko e biumlavipesko, Ramadani kergya kharipe kay e sah politikuni skena thay institucionalune te reflektinen yekh ver o shukaradikeripe vash te avansine, o garantime garavipya e Kosovaka rashtrako janglardo pe data 17 februaro 2008 bersheste.