Sheruno e Vetvendosako,Albin Kurti, deklaringya kay Kosova shay te respektinel obligipe kova thavdla kota Koventa vash Manushikane Hakaya thay te pasharel chavoren   e buderi shaipenca vash edukipe.

“Chavorenge manglape strehipe,dikat  kota familiya,them thay komuniteti. Ni yek chavoro na manglape te achol bizo krovi  pedero  shero,thay bizo edukipe. Them shay te ispatinel  jamaipe,thay edukipe”,vakergya Kurti.

Adive kana pherdile 60 bersha kota Deklaracia vash chavorikane hakaya inplementimo kota Sarsakanutni Asambleya  OKB-thay 30 bersha kota Koventa vash Chavorikane Hakaya,Kurti vakergya kay chavorikano edukipe isito dogri e Konstitucia thay kay  anglo skoluipe  nasito luks numay isito trebutno.