Deputetya  kota  duy  may  bare   opoziciune  partiye  ano  Kosovako  parlamenti   na  cidena  vast  vash  te  pelaren  Raipe  Haradinay, ini kay janena kay na muzhina te sigurinen  sasavipeya   buderi  vote.

Ini  kay  14  deputetya kota   opoziciya e Socialuna  Demokrativuna  Kosovaki  Partia  thay Alternativa  pe  lungipe  ijune divesko   traynutno”giricinde” ani rig e raipyuna koaliciake kote  propozinde  inplementipe e  rezulutako  koya diklarla  kotor leipe  e  opozitako  ani ekipa  e  dialogesko e  Srbia  ano  Bruksel,DSK thay  Korkorodecisipe(Vetvendosye) pe  olengo  resipe kola  diklarna  on   isilen      may  hari  shansa.

Numay  ini  kay  Komesioneri  Evropaka  Uniako  vash  buhlipe  thay  politika   Johanes Han  vakergya  kay Koosvo  shay   potencionaluno   ajukerla  liberalizipe  e  vizako  pe  2020-to bersh, vakeriba  kay  na  manglape  te  adikergyon  e  data,DSK thay  Korkorodecisipe   ani  avrikrisuni  séanca   pe  kola  vakerde  ijune  diveste,  thay    ikalde  kritika pe  kosovake  institucie,numay  ini  Evropaki  Unia  sebepi   vash  na leipe  e  liberazipe  e  vizako  propozinde   inplementipe  Rezolucia. Numay,sebepi  e  achavipaske  kvorumesko, votuipe  ka  adikergyol tahara.

Pe  lungipe e  divesko,iniciyativa opoziciaki  te phiragyol  debata  vash   bi  baht institucia  vash  leipe  e  vizako sine  kontra  sherunoministri  Ramush  Hayradinay,kova  vakergya   kay  isiton pherde   savore  obligipya  kota Raipyuni  rig,thay  kay  kedipe avrikrisyuna seancako kota  rig e Korkorodecisipe  thay  DSK  ”kareshtibe”  ani  themutni agenda”.

Ini Endrit  Shala,ministri   ano Kosovako  Raipe ,kota  rendo  e Socialdemokrativuni iniciyativa  vakergya  kay  aktualuno   presidento e Kosovako  Hashim  Thaqi,korkoro  phiravla  procesi  e Srbiya,feri  so  na si  negociaki  ekipa.

Kosovake  mediye  vakerde   kay  ayeka  negociaki  ekipa ingarla  Fatmir  Limay thay  Shpend  Ahmeti,numay  sar   reprezenti  civilyune  amalipasko   lepargyola  publicisti  Veton  Suroi,kova  ij vakergya  kay  isito  gatisarno  te  azhutinel   somgodinipe  vash  negocie  e  Srbiya   ano  kuadro  e   proyektea  Sorosh  numay  sar  konsulenti.Suroi  vakergya  kay  lela  sine  pe  konsideripe  te  ovel  kotor  ekipako,numay  te  sine  kay  kriiringyola  yek  selikano  konsesusi.

Phiravno  ano  Kosovako Parlamenti  thay somjeno e Demokrativuna  Kosovaka Pariyako  Kadri  Veseli ano phanipe  e  rezulucia  vakergya  kay  vash  olake  ka  votuinen  kana  reslola  konsesuzi  kay  pe  cekat  kosovaka  vakeripaski  ekipa   ovla   Fatmir  Limay  thay  Shpend Ahmeti.

Numay,pe  akaya Rezolucia  vakergyola  kay” themutno  suvereniteti,teritoriyaluno  integriteti   thay  sa  themutno  karakteri  Kosovaka  republikako  isito  nacenimo”vakergyola  ani  Rezolucia.

Numay,shukarno  politikuno penjardo  Ramush  Tahiri, vakergya  kay  rezolucia  e  Socialdemokrativuna  partiako   may  buderi  isitoy sar  platforma  se  rezolucia,thay  kay  bi  baht na  lelape  tehnika,numay  kay  isila  supstancionaluno  lolo  thavd,numay  kay vash  suvereniteti  thay  teritoriyaluno  integriteti  na ovla  e negocia.

KosovaLive – Violeta Oroshi Berishaj