Sheruno e Peyaka komunako,Gazmend Muhajeri ani emisia “Zyra  e Ankesave”,ano RTV Dukajini vakergya  vash andruno alosaripe e LDK-ako,vash konpesipe e nashalde oryengo prekal skole,sar  ini vash problematika  ani skola”Lidhja e Prizrenit”.

Muhajeri vakergya kay andrune alosaripya vash  angluni faza isiton puterde  ano 22 kranga prekal Kosova.

“Na puterdile khelipya vash sheruno.Puterdilo korkoro alosaripe vash 22 kranga prekal Kosova…Kera gtisaripya vash sfide  kola e LDK ajukerna. Siyem sarsakana ano procesi  kola anglal ajukernamen.”,vakergya Muhajeri.

Kana isito pucipe shay te ovel  konpesipe e nashalde oryengo prekal skole pe akaya komuna,sebepi e protestako kota SBASHK,ov vakergya:”Isito direktoriyati  vash edukipe kova shay te respektinel regulipya.Shay te phergyol  bershuni kurikula sar isitoy anglodiklardi.Isiton ano pucipe trin kurke”.

Ov vakergya ini vash problemi kova isito anglodiklardo ani  skola “Lidhja e Prizrenit”, kote direktoriyati  akala skolako rodingya kota o siklarne  fondi vash regulipe e sanitarune sheyengo.

Numay,siklarnenge dadalarya anglodiklarde rovlarin vash ayeka diso,numay sheruno Muhajeri vakergya kay dengya pe janipe vash   direktori akala skolako kay o  bare bukhya  agorinla komuna.