Aktualune Nevipya

O Gilanako Sheruno r. Lutfi Haziri, arakhlape para Komunake Romencar

  • 21/09/2018
  • By Romano Avazo
Share

Deipeya lafi vash poro may buderuno angazhipe vash laqaripe e jivdipaske kndiciengo thay may shukar jivdipe, o sheruno e Gilanaka Komunako , o r. Lutfi Haziri , arakhlape e Romencar kotar e mahala “Elez Agushi” thay “Avdulla Presheva”.

 

Vizitingyum akala duy romane mahale kote jivdinena yekh may baro gendo e romengo ani amari komuna thay dikhlum kay silen phare jivdipaske kondiciye. Dikhlum kay silen socialuno thay ekonomikune pharipya thay si ini but manusha kola si bizo buti. Ano kuadro e socialune beshipeske thanengo , si te angazhingyova beraber e Ministria  vash Iranipe thay yavera ministrie vay  ini e komunake bujeteya, kay te kera balansi vash o rodlaripe kola silen vash may siguno vazdipe e kherengo. Si te kera buti ini vash e infrastruktura, buderi vash elektrikaki energiya, te laqargyon o  dudya ani mahala vash o sebepi e siguripeskona numa vash o romano komuniteti vay vash sah o komunitetya   bizo yaveripe e etnikuno theripesko”,  phengya o sheruno Haziri.

Ano malipipe e policiako thay e sherune e ofisesko vash komunitetya thay iranipe, sine o resipe kay may pashe te  penjarolpe e aktualune sfidencar kolencar qhalavgyona o romano komuniteti ani Gilanaki diz, resipeya e sigune reagipyango vash eliminipe thay realizipe e probleyengo evidentime ano tereni.

O r. Fadil Demiroviq reprezenti e Komunitetesko vash Komunitetya talo KK Gilana, phengya kay akaya vizita  e sheruneski, r. Haziri si but mahatno vash amaro komuniteti kova shay delamen bare inandripya-phakyavipya vash may shukarno jivdipe ani amari komuna.

Akaya vizita e Komunake sheruneske ano mahale kote jivdinena o romano komuniteti, dela yekh may baro phakyavipe ini vash o alosaripya e buderi sfideyngo kolencar qhalvngona o Roma ani Gilanaki Komuna, siklova e informipestar  dendo kotar o Muhamet Pajaziti, Information Officer and coordinator for Strong Cities Network, Mayor's Office - Municipality of Gjilan.