Numay  yekh tikno gendo e skolengo sherdinde te realizinen o lekanipe reslo mashkar o ministri e Siklipesko, Shyqiri Bytyqi thay komunalune direkotoryengo e Siklipesko vash yaveripe e naadikerde oryengo pe buhlipe e grevengo ano siklipe.

May baro gendo e skolengo si may phakyavne e kharipesko e Sindikatesko e Siklipaska Uniaka, Skencia thay Kultura (SSISK) vash na yaveripe e oryengo , hraminla e  “Koha Ditore”.

Ini kay o ministri Bytyqi thay o sheruno e Kolejiumesko e Siklipaske komunalune direktoryengo Besim Avdimetaj, thagarisale e nakhle lunyake diveste kay si te yaveringyon sah o orya kola na adikerdile, o phiravne e SSISK-ke kerde pe janipe kay 95 pe shel e skolengo savatone diveste refuzinde te realizinen akava lekanipe.

O Sherunipe e Siklipaske Sidikadesko anglo yekh kurko lela decisipe kay te sine kay yaveringyola o Thami vash o pokipya/aylukya thay bayargyola o koeficienti e siklovnengo e elementaruna skolake, pedagogyengo, thay skolenge sekretaryengo, ano agor e bershesko si te yaveringyol numay yekh kurko. E Sindikata lela decisipe kay te na yaverngyon savore nashalde dive e sebepeya kay o Thami vash o greve na obliginla o yaveripe e oryengo.