Ijune diveste kabineti  e  kosovake  presidentesko informingya  kay Hashim Thaqi na ka lel drom ano Sarayevo ano Bershuno kedipe e Bordesko  guvernera    e Evropaka bankaki vash rekonstrukciya  thay jamaipe”vash sebepi e but telune nivelesko e duy rigune  bilateralune ledeipasko mashkaro duy thana”.

Ani deklaracia vakergyola ini kay  tromalo phiripe e dizutnengo mashkar Kosovo thay Srbiya funkcioninla bizo pasoshi  thay viza,”Bosna thay Hercegovina phiravla te kerel diskriminipe kosovake dizunen e vizake  rejimea,”thay    dizunen e Kosovake”, thay pelarla pe godi  kay  ini Bosna thay Hercegovina pana na penjargya Kosovo.

“Nay te la kan sar e Bosna thay Hercegovina inkerdo ano yek servisi sasavipeya anti –evropa.Kosovo achola angazhimo vash  yek mahala may shukarni,regionaluno lekanipe thay evroatlantikuni perspektiva, numay na lela pe konsideripe vash kota niyek  te na diskrimingyol”,vakergyola ani deklaracia  e presidentoski Thaqi.

Ini uzal akaya deklaracia kosovake analiticarya  na frdena kay  isito cacuno sebepi vash te ciden vast kota duryaripe e Bosnako  bulushingyona  e kedipa Procesi “Brdo Brioni”,kova adive thay tahara  ka adikergyol ani Tirana.

“ Adive ani Tirana presidento Thaq ka adikerel bilateraluno kedipe e  Albaniyake presidentoa Alir Meta.Numay,presidento Thaqi, ka arakhope ini  Uca reprezenta vash avruni politika Federika Mogerini ,kote olaha ka vakerel vash evropaki Kosovaki perspektiva thay procesi e diyalogesko mashkar Kosovo thay Srbiya”,vakergyola ani deklaracia  e  Kosovake presidentoski.

Ano phanipe e procesesko”Brdo-Brion”, Federika Mogerini koya isitoy   mashkarphiravni ano Briselesko diyalogi mashkar duy thana,ka vakerel ini  e srbyune presideneta Aleksandar Vuciq,ano yek bulushipe vash te  ridecisinel diyalogi kova  pe chon novembro isito achavdo,palo decispe e Kosovake raipesko  te inponinel taksa ano inporti e srbyune malyengo.

Shayipe  vash  o diyalog mashkar Kosova thay Srbiya sine sheruni tema Berlineske samitesko them ratorigune balkanesko,kova sine adiekrdo  naklo kurko,pe  kolate   phiravne e Kosovake thay e Srbiyake sine kethane te phiragyol   bulushipe  vash normaluno ledeipe mashkar duy thana,vash soske ini yekaforata  vakerdilo kay pe naklo kedipe mashkaro sherune liderya  e duye thanengo  te adikergyol  pe shrd e chonesko yulo ano Pariz.

Sherunoministri  Haradinay   may buderi dela kritika mashkrhiravni ano dialog Federika Mogerini, kote vakergya  kay oy  angya may baro ziani Evropaka Uniyake ano momenti kana oy mekla kay suro e samatradako mashakr  Koosvo thay Srbiya te putergyol o puqipe  ani vakeripaski  truali mes.

Haki Shatri,deutnogodi e sheruneministresko Haradinay,vakergya vash Radio Tromali evropa,kay  Raipe   te diklarel  nesave reciprocikune mase  kola shay te prezentinel.

“ Vash akana  na si konretuno diso,numay reciprocikune mase sar isito decispe  vash te khuven vrde e  Srbyune targenca ano Kosovo,sar na leipe pe konsideripe  vrdaki dozvola thay aver mase te diklargyon,ayeka kay ano servisi te khuven te sine kay manglape”vakergya Shatri.

Ani tehnikuni faza e diyalogeski ano Brisel, ano  2011-to bershes negociaki ekipa  kota Prishtina thay Beograd vakerdile kay”  sakoya rig shay te aplikinel yek sistemi  kote e indetipaska karta shay te amalingyol “khuvipe –iklipe hramipa dokumentea vash dizune  e aver rigake kola mangna tranzitea te len drom ano trito them”,sar ini “sakoya rig lela pe konsideripe sa mangle mase   te del shaipe dizutnenge  kota aver rig  tromale te len drom  andre yase prekal aver teritori,vastinindoy vrdaki dozvala kota olenge autoritetya.

Korkori reciprocikuni masa koya Kosovo yavringya vash Srbiya  sine   achavipe e inportesko e srbyune malyengo 2011.bersheste, feri so e Srbiya trin bersha  refuzingya pecati thay aver dokumentaciya pe kolate sine hraminla” Republika Kosovo”. Ayeka situaciya lungyardili   40 dive,feri so palo odova  reslilo yek lekanipe mashkar duy riga ano kuadro  e  Briseleske diyalogesko.

KosovaLive- Violeta Oroshi Berishaj