Iranipe  kota  110 Kosovake  dizutne kota siriyako mareba, e azhutipa kota amerikako raipe, kosovake phiravne dende suksesuni nota. Numay ,siguripaske expertya pakyana kay sah isito akana ano  sherune vasta kota  Kosovake  institucie,leipe pe dikhipe krisyuno sistemi, ayeka kay o manusha kola bershenca jivdinde  ano mareba isiton integrime suksesea ano kosovako amalipe, thay ano mamuy olenge kola direktipa lele kotor ano marebasko konflikti,  te ovelolen  penaluno ovipe,prekal zoralo kris.

Naklo savatone  dive, ani  Prishtina  tayara  reste  110 kosovake dizune,kota siriyako mareba,mashkar olende 32 juvla thay 74 chavore,kolenda inja chavore isito bizo dat-daya.

Palo deteipe e  deklaraciako  ani Specialuni prokuroria,yek kota trin mursha  lela pe konsideripe kay lela kotor ano mareba,ji kay aver duy  garavnape traynipa.Olenge  Prishtinako Kris akuzingya   phanipe  kota yek chon.Juvla thay chavore may sigate palo avipe e Prishtinake aerodromesta  bichalgyona ano Centro vash azili,kote beshte 72 orya.Palo saslarnengi kontrola thay aver procedure, on irandile para familiyake.Yek baro gendo olenda, palo deipe e deklaraciako ani prokuroria, ulagyola vahtyuni akuza   ano kheresko aresti vash yek chon.

Advokati,Arbnora Zeciri,Rita Matoshi,thay Kimete Krasnici,diklarna kay isito na shukarno decisipe kota Specialuni Kosovaki  prokuroria   vash o kliyentya e kheruna akuza.

Ayeka godinipe  ulavla ini eksperti vash  siguripe ano pucipe Besa Kabashi Ramay, koya vakerla  kay ani Kosovaki Strategiya vash  te angloachavel  zoruno  ekstermizam ,kova implemetisalo angledo nesave bersha,na egzistinla,thay plan vash reintegrciya e irandengi kota mareba ,ini kay ov isito inicirimo  sar 2017.bersheste.

“Amen nay reslem,bi dosh ini sar amalipe,ulavipe  na Raipe. Kosova na resla te sikavel  kay shay isila integrimo prezentipe  sah leipe kotor amalipe  vash te ova pe cekat e sfida thay selikane siguripa,thay odova isito problemi kova sah vaht isimen thay nay te alosara”,deklaringya Kabashi Ramay.

Numay,Ekrem Mustafa,Kosovako  ministri vash andrune bukya vakerla kay na si dar kota personya  kola irandile  naklo kurko ani Kosova,feri so sar  dela  pe  janipe,Kosovake instituciye ka len may shukarni metoda vash resociyalizaciya,repatriyacia thay deradikalizacia,thay kay  vash akava  kosovake institucie ka ovelolen azhutipe kota Amerikake Yekhune Rashtre,ayeka kay personya kola irandile  kota mareba  te  na   ovelolen pharipe,  problemi,  thay potenciyaluno riziko vash kosovako amalipe.