Kosovako presidento Hashim Thaqi,but ver  agorutne chona deklaringya kay na ka mekhel yaveripe  e teritoriyako yase  Kosovako ulavipe,vash te reslol yek  agorutno  lekanipe  e duy thanengo,kova vash epilog ovla penjaripe  Kosovako biumlavipe kota Srbyuni rig.

Pe aver rig,sasavipeya  ov phiravla te bichalel mesazhi vash Kosovaki publika kay  ov  na cidingya vast kota Lugina e Preshevaki ani Kosova.Ano poro Facebook  vakergya kay”hako vash leipe kotor Preshevo, Medveje,Buyanovac e Kosovaka Republika legitimuno,koorijipe e isitorayako na dogripe   thay siguripe vash dizune akale regioneske kay jivdinena ano poro than”,hramingya Thaqi.

Pucipe  vash varesavo  aktualuno yaveripe  samatrada mashkar kosovo thay Srbiya sar  shayutno kotor  e lekanipasko mashkaro duy thana, vash sherunoministri e Kosovako Ramush Haradinay  isito sasavipeya na konsiderimo.

Pe lungipe e resipesko  ani Vitina,kosovako sherunoministri  palem vakergya kay sakoya ideya vash samatradako yaveripe   anena ziani ani Kosova.

“Vakerdilo but vash shayipe  e khelipasko vash samatrada thay teritoriya,numay tumen janena kay pe lungipe isitoriyako kana sa vaht kheldilo,sine ano amaro ziani”,vakergya Haradinay.

Numay,ani konferenca vash stampa palo raipyuno  kedipe,sherunoministri Haradinay ano  pucipe e jurnalistyengo sar dikhela  procesi e diyalogesko,numay shay palo Berlinesko Samiti ano Pariz, kova shay ka  adikergyol  pe shrd  e chonesko yul,dikhela shayipe hrami pe lil  e lekanipako e Srbiya ano Vashington,  deklaringya kay  ov  dengya  respondipe kay niso na ovla te anglodiklargyol,numay  ini kay na cidingyola avri ayeka shaipe.

“Me nay dava kris vash ayeka procesi.Procesi isito akana ano sigurime vasta.Lelilo kota vasta Mogerini.Isi stabiliteti,akava isito may vasno. Vash averenge isito phare te diklaren numay shay (te diklargyol)”,deklaringya Haradinay.

Haradinay isile pakyavipa  kay diyalog Prishtina Beograd akana isito ano vasta e germanyuna kancelaraki Angela Merkel thay franciyako presidento Emanuel Makrona.

Numay,srbyuno ministry vash garavipe Aleksandar Vulin  vakergya kay Prishtina na mangela  diyalog   thay kay ideya vash koorijipe  e samatradako na sito maybari baht e alosaripaski,numay kay pakyala kay sito shayutno.Ov lela pe konsideripe kay akaya ideya na sila phikodeipe e Srbyune  presidentesko Aleksandar Vuqic thay srbyune raipesko,numay kay alosaripe e pucipesko vash kosova shay te len kan savore Srbya,leipe pe dikhipe kote on jivdinena.

“Mangava  kay Kadri Veseli te ovel so shayutno po dur manda,mangava sine mashkar oleste thay mande,mashkar amende  thay olende  te ovel lachi thay zorali samatrada,feri so kana ka ovelamen ka ovelamen  garavipe thay tromalipe”,deklaringya Vulin vash televiziya “O2”.

Britaniako publicist thay analiticari Tim Juda ano intervyu vash televiziya N1 deklaringya kay tema  vash yaveripe  Kosovo-srbiyuna samatradako stopirimi kota germanyuni kancelara  Angela Merkel ano Berlinesko Samito,thay vakergya kay na mangla te phenel yek dive akaya tema na ka irangyol  ani negociaki mes,feri  so isito akava pucipe kova lepargyola agorutne 30 bersha.

“Opciya vash yaveripe e samtradako  ovelola sine negativitetea ano sah regioni.  Pakyava kay na si vasno te calava samtrada,feri so akava  isito baro riziko.Thay aktualuno,akava na sitoy  opciya”,deklaringya Juda.

Diyalog mashkar Kosovo thay Srbiya isito achavdo novembrea nakle bersheste, palo decisipe e Kosovake raipesko vash inporti e taksako ano srbyuno mali,thay ultimatut e ofisionalune Beogradesko kova shay te phiravel korkoro kota Prishtinake autoritetya vash te ciden akava  decisipe.

Bekim Colaku,shefi e  presidenteske kabinetesko Hashim Thaqi,ani emisiya”Zona B” ani televiziya Klan Kosova deklaringya  kay   ovla sine strategiyako  bangipe kay ano akava momenti akava decisipe te cidingyol.

“Te sine kay akava raipe thay akaya koaliciya ovla bari presia,pozitivune pritisakosko Amerikake Yekhune Rashtre,vash te dengyol shayutno  servisi vash diyalog, odoya ver isito yek vakeripe kay ayeka diso te ovel adive kana isito momenti vash eventualuno lekanipe mashkar Kosova thay Srbiya nashaldo.Ayeka kay  dikhava kay taksa shay te achol ani forca”,deklaringya Colaku vash televiziya Klan Kosovo.

“Kosovake  analiticarya ajukerna kay Samiti ano Pariz te organizingyol  but shuka,feri  so sheruni tema ka ovel  deblokiripe diyalogesko mashkar Kosovo thay Srbiya thay shayipe e sarsakanutno sah leipe kotor e lekanipasko mashkar duy thana.

KosovaLive- Violeta Oroshi Berishaj

 Vera Galush Pacaki-radio Romano Avazo