Korkoro mashkaro poro personaluno facebook ov dengya akava informipe, kote phenlla: "Avdive, palo analize, iklistum pozitiv e COVID-19.

Nasima nisavo sastipasko problemi saday e qhindipastar. Mere familiake jene nasi infektime. Ano avutne dive sima te ovav izolimo. Kerava apeli kay saren te oven godyale thay maksimalno nek arakhenpe".

Akala agorune dive but deputetya kotar e LDK rezultisale pozitiv kote dikhyola kay on phiravde o virusi mashkar peste kerindoy kedipya thay buti yeke thane.

Mashkaro pinjardutne nava kola si infektime e virusea COVID-19 taro LDK si: Lumir Bdixhiku, Haxhi Avdyli dhe e parlamentaruna grupako shefi, Arben Gashi.

Ana pi godi kay o Mustafa angleder duy kurke phengya vash e KOHA, kay ov si shukar thay na manglape te testiringyol.