Aktualune Nevipya

Themutne reserve na tretiringyona sar prioriteti

  • 21/11/2018
  • By Romano Avazo
Share

Grupa vash dogripe thay politikune studipya angya pe agoripe kay Raipe Haradinay ano periodi pe septembro nakle bersheste ji pe septembro akale bersheste, sasavipeya vash yek bersh,ulagya kota themutni rezerva pashe 4 milionya eurya, kote na respektingya krisyune procedure,sar rodingyola e Krisea vash menajipe ani publikuni financa. Raipe Haradinay ji akana angya 45 decizie kolea vastingya lovo kota themutni rezerva,lovo kova isito diklardo ani emergentyuni situacia,phanipe ini vash elementaruni bibaht yase konflikti marebasko,kolea o dizine shay te oven pe qekat.

Civilyuno amalipe thay kotor e kosovaka opoziciako may buderi dende kritike ano Raipyuno decisipe vash ulavipe 290 mile euro vash akuzime familliye e suroa ani “Kumanova”,ulavipe kay pe 2015-to bersh andilo Kris kolea inplementisalo mashkaro aver kay”sakova kova lela kotor ani askeria yase policia,ani avrutni angloaskeria yase anglopoliciaki, ani grupyuni organizacia yase indivudualuni,ani sakoya mangli konfliteski forma avri teritoriako e Koosvaka republikkao, shay te akuzingyol e phandipaska zendana sar 3 ji pe 15 bersha. Sar si pe ofisionalune kota Ministria,kota 4 milionya eurya,sar pe sherd e bershesko themutne reserve andre bershuno bujeti e Kosovako vash 2018 bersh,pe angluno kurko e chonesko marso harjipe isito 2 milionya eurya,numay talipatrola pe akaya ministria Muharem Shahini konfirmingya kay ji pe mashkar septembro sine harijipe ji pe 4 milionya 700 hilada eurya.

Themutne reserve ayringyona ano trin kategorie missal:ani rezerva e lovengi,komercionalune malya thay strategyune reserve. Nazim Mustafa,rektori ano Koleji vash mashkarthemutno menajipe”Globus”vash radio Tromali Evropa vakergya kay themutne reserve umlavgyona kota themutno bujeti thay kay ov na mekla siguripe vash bari themutna rezerva. “Na janava ani koya kategoria Kosovaki institucia definishingya habe,numay giv isito yek produkti kova favorizingyola kota may baro produkti.Akava produkti isito kova kingyola ani emergentyuni situacia thay shay te vastingyol numay te ovel servisi ano them sar komercialuni rezerva, ano suro te sine kay Kosova isila mangipe vash inporti”,vakergya Mustafa. Lubomir Abdijiku,presidento e Komisiako vash finaciaruno bujeti vakerla kay aktualuno Raipe harjingya momentalno themutne lovenge reserve,thay odova bizo varesavo kriteriyumi. Cacutno ziani e Raipesko kova achola bizo dikhat thay na pherla themutne reserve isila Mejida Demoli, direktora e Phiraviapski “Govori”. Decembro akale bersheste shay o deputetya e Kosovaka Sombershipaske te votinen vash Kosovako bujeti 2019-to bersh,kote shay te ovelola resipe 2 miliyarde 300 milionya euro.Ovla sine yek shukarno shayaripe vash te diklol koba isito Raipe Haradinay,feri so harjingya savore love kota themutne reserve,vash ovipe kola na siton naturaluno emergentyune interesime vash olengo pheripe.

KosovaLive – Violeta Oroshi Berishaj