Dukagjin Lipa, dad e penjarda artista ano sumdal, Dua Lipa, mashkaro yekh lil dedikimo vash o rashtrake sherune, kay anulingyola o Festivali.

O festivali anulisalo feri so zabadisalo o deipe e thanesko vash o vastipe ani Bernica, thay akalestar obligisalo te phiravgyol ani Tirana.

Ano naklo bersh e mashkarthemutno publicitetesko moldipe e akale festivaleski resti ji pe 23 milionya euro, ano favori e Rashtrake imazhesko, pederal 10 milionya euro vash e sherunadizaki ekonomia thay promovipe e kulturne moldipyengo.

O sebepi e akala deciziyako phangyola e Aprovipeya vash o than kote ka realizngyol o Festivali kova ka ajukerel milencar kotorleutnen.

Ano lil kote leparla e sherunen sar: sheruneministre Albin Kurti, presidenta Vjosa Osmani, Kulturake Ministre Hajrullah Qeku, ministra Gervalla thay e Prishtinake sherune Perparim Rama, informinla kay anuligyola o festivali ani Prishtina feriso sine masivuno neglizihipe kotar o institucie sar Administrataki thay Lokalune Pushteteski Ministria thay Prishtinaki Komuna.

Sasavipea akava vazdingya bare reakcie vi ano medialune platforme vi ano medie, feri so festivali “Sunny Hill” si yekh e may penjarde thay may atraktivune festivalyendar ano Sumdal.