Sherunoministri e Kosovaka Republikako Albin Kurti akharla laqho nevipe kay miratisalo Krisi vash o vazdipe e minimalune qhoneske pokipesko ano 264 euro.

May buderi se 100 mile butekerunte e privatune sektoreske vijainde vazdipe pederal 100 pe shell thay 50 pe shel e qhoneske pokipesko. Jikay 380 mile butekerutne e privatune thay publikune sektoreske mestisale kotar o pokiepe e tatimesko ani lengoro minimaluno qhonesko pokipe.

“Desar kay bayara o minimaluno qhonesko pokipe o yekhto ver palo 11 bersha, vazda ole may buderi se may angle. Ani aver rig, o prago vash e tatimeske kostosko kotar o 80 phirava pe 250 euro.” Phenla o Kurti.

O proyekt krisi na votuisalo kotar e opozicia, LDK thay AAK, jikay PDK na lela kotor ani seanca.

Saday o UCK-eske veteranyengi kategoria meklile avri kotar akava kris, thay akava vazdingya yekh reakcia kotar e e Kosovaki Mestipaski Armataki e marevaski Veteranyengi Organizacia thay kharde protestya mamuy e institucienge pe data 16 yuni 2022 e oratar 9:30.

E qhonesko pokipeski suma ani Kosova si may tikni ani Evropa, mothavgyona ano statistike kotar Evropkaki Statistikengi Agencia.