Erati ano Prizren organizisalo yekh Solemyuni Akademia e Boshnakenge Diveske suroa dedikipa lengoro identiteti, yekhipe thay kontributi ano avansipe e Kosovaka Republikako.
Ano akava solemyuno manifestipe lela kotor o sherunoministri Albin Kurti, deputetya, ambasadorya, reprezentya e mashkaselikane misienge thay dizutne, vi ayekha misafirya kotar e Bosna thay Hercegovina, Kalo Vesh thay Vrtloriguni Makedonia.
“Boshnyakuno avazo si may zoralo kana saren siyem yekhetane, yekhune truyal o identiteti, qhib thay amari kultura!”, phenla e talosheruni e Kosovake Parlamenteski ry. Emilija Redzepi.
Desar akalestar ano Sportesko Centari “Sezai Surroi” vi o Sharski Behar sar kulturuno- artistikuno amalipe manifestingya akava dive.
“28.to septembari si dive pherdo manaya vash o Prizreno, diversiteteski diz, khetanejivdipeski thay respekteski, kote o komunitetya andar o bersha kreirime yekhetane o baravalo amalipe pherdo kultura thay tradicia.”, hraminla ani Prizrenoska Komunaki qham.
