KB Bashkimi hramingya historia triumfipa o yekhto for a e Kosovaki Basketeski Superkupa, kote ani finala khelgya e KB Trepca ani palestra “Mizahir Isma” ano Rahoveci kote triumfingya e rezultateya 103:93.
Ano akava khelipe lela koter vi o Sejnur Veshall – taloministri vash o Sporti thay o Terne, yekhedromeya lela kotor vi ano medalyengo ulavipaski ceremonia.
Veshall moldingya e finala sar yekh avrirenduno khelipe, buderi emociencar thay sportivuno mareva, hramipa kay si barikano kay lela kotor ano yekh historikuno momenti vash o Bashkimi thay e Prizrenoski diz.
“Sar mara bukyako godornipe, sineman specialuno barikanipe ted av o medalya e ekipake koya triumfingya. Sim but loshalo kay ulum kotor e akale historikune divesko vash o Prizreno thay Bashkimi; yekh unikuno momenti vash yekh diz koya lela duho mashkaro o sporti.”, phenla rayo Veshall.
