Emigraciaki Mashkarselikani Organizacia – IOM, ano rami e komponentaki vash Stabilizacia e Komuniteteski ano EU-ako Programi vash o Komunitetya, financirimo kotar e Europaki Unia thay menajimo kotar o EU-sko Ofisi ani Kosova, putergya kharipe vash aplikipe e individyengo, grupaciengo thay koperativengo kola silen ideya vash shrdipe yase avansipe e yekhe tikne biznesesko yase realizipe e inciativengo kay anena benefitya vash o komuniteti.
Mashkaro akava kharipe, o alosarde aplikantya shay te vijainen financionaluno thay teknikuno phikoipe vash:
- Startipe e yekhe tikne biznesesko;
- Laqharipe yase buhlipe e yekhe ekzistirime biznesesko; yase
- Avansipe e yekha komunitaruna inciativako kay anela laqhipe vash o haricune komunitetya thay zorakerla o khetanobutikeripe.
Phikoipasko res si o praktikune ideye kay silen potenciali te kreirinen neve bukyake thana, korkorobutikeripe thay pare, vi ayekha te kontribuinen ano komunitetesko avansipe. Ano fokusi si vi o ekonomikune yekhune aktivitetya kola uqharna e agrokultura, juvlen, terne thay haricune komunitetyenge thay mashkaretnikue biznesyenge organizacie.
Ko shay aplikinla?
O kharipe inkurainela e juvlen, ternen, e iranden, persoyna e handikepyencar thay o haricune komunitetyenge kotorleutne.
Anglipe ka delpe e ideyenge kola ka kontribuinen ko jivdipasko laqharipe thay ka anen konkretune benefitya vash akala grupe thay lengere komunitetya.
Sar ka moldingyon o aplikacie, sar manglape te aplikinen, e aplikacienge dokumentya, shay te arakhen ano akala linkya: IOM Kosovë – www.kosovo.iom.int, Shkarko dokumentet e aplikimit (ZIP).
Te sinetumen mangipe vash e idea, biznesesko plani yase pheripe e aplikaciake formularengo, IOM-esko stafi shay te pasharel informacie ani albanyuni, serbyuni thay anglikani qhib ano akala gendya:
- 049 968 485
- 049 968 483
📩 Agoruno vahti vash te aplikinen si 30.to septembari 2026.
Aplikacie manglape te biqhalgyon ani adresa: iompristina@iom.int
