Aprovingyola e Skolenge Tekstengo Katalogi thay ekzekutingyona o pare vash skolenge tekstengo subvencionipe vash o klase 1 ji 9
Siklipeski thay Skenciaki Ministria aprovingya o Katalogi e Skolake Tekstengo thay ekzekutingya o pare ano kontya e dadalarenge kola aplikime vash o Tekstya e akademikune bershengo 2026/2027.
O procesi vash aplikipe startingya 27.to yunestar mashkari platforma eKosova. O liste dikhlardile kotar o skole thay mashkari komisia MASh aprovisale thay biqhaldile vash e Financiengi Ministria koya biqhalgya o love.
Siklipeski thay Skenciaki Ministria mashkaro negociate e botuipaske kherencar vash decizipe e bikinabaske cenengo alosargya akava katalogi: : https://mash.rks-gov.net/…/katalogu-i-teksteve…/ . O Katalogi biqhaldilo ano DKA – Siklipeske Komunale Direktorie, botuipaske khera, librarie thay Dadalarenge Koncilya.
O kosto vash subvencie si:
Klase 1 thay 2 – 60 euro;
Klasa 3 – 65 euro;
Klasa 4 – 70 euro;
Klasa 5 – 80 euro;
Klase 6 thay 7 – 90 euro;
Klase 8 thay 9 – 100 euro.
Yekhedromea avdivestar vi o Siklipesko Inspektorati startingya intensivno te monitorinel o kipaske virana vash te dikhen respektingyona mi o cene sar si ano katalogi palo dova ka ispektinen o skole te dikhen silen mi o siklovne skolake tekstya.
O dadalarya kola dikhena kay o cene e pustikenge thay aver tekstenge nane sar ano katalogi odoyaver khargyona te raportinen ano akala gendya:
Tel: +383 (0) 38 200 65 144 dhe +383 (0) 38 200 65 005
Yekhe dromea, o sistemi vash eKosova aqhola puterdo vash o manusha kola pandar nane registrime e qhavoren ano yekhto klasa thay odola kay pandar nane aplikime vash o tekstya.
