Democracy Plus (D+), ano partneriteti e OSBE-eska Misia ani Kosova, putarde o kharipe vash o 10.to Programi vash Praktikuni Buti ano lokaluno niveli. Programi sile res te promovinel e ternengo kotorleipe ano decizia leipaske procesya thay politikengo keripe mashkaro praktikaki eksperienca thay aksesi ano siklipe prekal o akti.
O program si te inkludinel 15 terne qhayen thay qhaven kola silen 20-24 bersha, kola ka angashingyon ano lokalune raipaske institucie thay partner organizacie e civilune amalipaske (OShC).
O andipe e programesko si: kotorleipe ano decizia leipaske thay politika keripaske procesya, hramipe e raportyengo, analizengo thay ver-verune dokumentyengo; angashipe ano proyektya thay lokalune inciative; kotorleipe ano aktivitetetya thay relevantyune ovipya.
O program si 5 qhonyuno, yunestar ji pe oktombari 2026.
O praktikatyna ajukergyona te angashingyon 14 dive ano qhon, haricune orarea.
O sherune kriterya si: te oven 20-24 bersha, te oven registrime ano yekh universitaruno program, te janen albanyuni qhib yase serbyuni, te pernjaren e anglikani qhib si anglipe, te ovelolen bazikuno janipe ano kompyuteresko vastipe, te oven gatiserne vash e buti ani ekipa thay interesipe vash o publikune puqipya, angashipe ano komuniteti yase ano ternenge strukture ani komuna si sar anglipe.
Aver mahatno sogod si te len kotor ano duy treningya organizime kotar D+ thay OSBE pe 10.to yuli thay 10 septembari. O na kotorleipe ano akala treningya shay qhinena tumari kontrata.
Kompensipe e praktikaka bukyako si 142,86 euro.
O interesime kandidatya shay te pheren akava formulari Formularin e Aplikimit; te biqhalen piri CV thay te biqhalen ji pe 4.to yuni 2026.
O aver puqipya shay te biqhalen ano info@dplus.org
