Democracy Plus (D+), në partneritet me Misionin e OSBE-së në Kosovë, shpall thirrjen e hapur për Programin e 10-të të Punës Praktike në nivel lokal. Programi synon të promovojë pjesëmarrjen e të rinjve në proceset e vendimmarrjes dhe politikëbërjes përmes përvojës praktike dhe qasjes të të mësuarit përmes veprimit.

Programi do të përfshijë pesëmbëdhjetë (15) vajza dhe djem të rinj të moshës 20-24 vjeç, të cilët do të angazhohen në institucionet e qeverisjes lokale dhe organizatat partnere të shoqërisë civile (OShC).

Çfarë ofron Programi?

Praktikantët do të kenë mundësinë të fitojnë përvojë profesionale përmes:

• Pjesëmarrjes në proceset e vendimmarrjes dhe politikëbërjes;
• Hartimit të raporteve, analizave dhe dokumenteve të ndryshme;
• Angazhimit në projekte dhe iniciativa lokale;
• Pjesëmarrjes në aktivitete dhe ngjarje relevante.

 

Kohëzgjatja dhe angazhimi:

Programi zgjat pesë (5) muaj (qershor – tetor 2026).

Praktikantët kërkohet të angazhohen së paku 14 ditë pune në muaj, me orar të pjesshëm.

Kriteret kryesore:

• Të jenë të moshës 20-24 vjeç;
• Të jenë të regjistruar në një program universitar;
• Të kenë njohuri shumë të mira të gjuhës shqipe dhe/ose serbe;
• Njohja e gjuhës angleze përbën përparësi;
• Të kenë njohuri bazike kompjuterike;
• Gatishmëri për punë në ekip dhe interesim për çështje publike;
• Angazhimi në komunitet apo në struktura rinore në komunën përkatëse konsiderohet përparësi.

 

ME RËNDËSI:

Pjesëmarrja në dy trajnimet e organizuara nga D+ dhe OSBE-ja (10 korrik dhe 10 shtator) është E DETYRUESHME. Mospjesëmarrja në këto trajnime mund të rezultojë me ndërprerje të kontratës.

Kompensimi:

Praktikantët do të marrin kompensim mujor bruto në vlerë prej 142.86 EUR.

Aplikimi:

Kandidatët e interesuar duhet:

• Të plotësojnë Formularin e Aplikimit;
• Të bashkëngjisin CV-në e tyre (maksimum 1 faqe).

 

Afati i aplikimit: 4 qershor, 2026

Shënim: D+ dhe OSBE-ja janë të përkushtuara në promovimin e diversitetit dhe përfshirjes dhe inkurajojnë vajzat dhe djemtë e rinj të kualifikuar, si dhe kandidatët me aftësi të kufizuara, nga zonat rurale, komunitetet jo-shumicë apo grupet e cenueshme që të aplikojnë për Programin e Punës Praktike.

Pyetjet mund të dërgohen në: info@dplus.org