Biyandili pe 27.to mayi 1957 ano Prizren. Si yekh magikuno misal e pasionesko thay talentesko ani muzikaki lumiya. Oy shrdingya sar yekh 12-bershuni foklorista.

Dashurija sigaraklili kotar e muzikaki lumiya keripeya kay lakoro avazo te qalavel e shunanvengo ilo. Pali yekh barvali perioda khelipaya ano foklori, oy shrdingya poro dromipe sar sukesuni gilavni,  reprezentipa barikanipa e Prizrenoska romane komuniteteski kultura ano mashkarselikane festivalya. Laka karrierako kulminantuno momenti hramisalo ano bersh 1974, kana ano yekh kulturuno festivali, ani Kraljeva, e Dashurija vijaingya o yekhto than sar may laqi gilavni ulavipa e skena e legenda Shaban Bajramovic.

Akava barikano momenti kergya ola yekhh penjardo anav thay decisingyaola ano sumnakuno sfondi e muzikaluno skenako.

“Kana prandisalum nakhavgyum nesave aqhavipya ano moro solistikuno thay folkoristikuno dromiripe vash sebebi e tradiciyengo, numay ano bersh 1979, ani amari mahala “Terzi Mahala”, ale nesave jurnalistya kotar e Radio Prishtina, rodipa e shunda romana gilake magikune avazeske thagarina. Ano odova vahti, te rodentu o jurnalistya kotar o radio sine may bari privilegiya kay shay ovlola yekh artista, akava sine sebebi vash mere triumfitantuno iranipasko ani muzika.”, phenla e rayni Dashurija. Bayrili ano yekhh ambienti kote e muzikake note sine sakoyaver pe vazduh.

Oy mothagyape sar yekh laqhi kotorleutni e akala tradiciaki. Pere avazoa kova si yekhhuni sar yekhh ratyako kovlo avazo, oy kergya pe janipe kay ini e familiake qhaya shay te oven zanateske phiravne, ano akava suro: e muzika.

Resursi: Rezistenicake Melodie Gynesh Veshal