Biyandili pe 15.to yuni 1964 ano Prizren. E Mikribana sine may laqe aktrisendar ano Romano Teatro. Oy sine sakoyaver gatiserdi thay ano disponipe vash te lel kotor ano romane
drame feriso o qhaya ano odova vahti but phare pashonay ano kulturune aktivitetya.

Sakoyaver manglay te kharel e talentime qhayen kay te oven kotor e teatrosko, rodlarin koya na refuzingyolay kotar o terne qhaya romane kulturake heroine, genipa ini e Mikribana, sine sar pionerya thay misalya vash te phagen akala anglokrisipya. Lengoro aktivuno kotorleyipe ano teatro thay ano kulturune eventya mothavlay kay o romane juvla, sinelen jandipe te mothaven poro talenti thay pere jandipya avri e shudre amalipaske tradiciyenge ramyendar. Lakere koncetripeya ano artesko umal, oy ano juvlengo anav rodlay yekh beraberuno than vash lengeri prezenca thay kontributi ano amalipe.

Mikribanake aktya sine: mamuyrespondipe vash samatredune godinipya, yekh kharipe vash mestipe thay juvlano yeri, ano vahti kana akala puqipya sine pandar bi-avazune.

Lakiri buti ano kulturako thay artistikuno kustikipe adive si yekh spiritualiteti vash sah o juvla, kola lugyarna te keren mareva vash lenge hakaya.