Adive  adikergyola regularuno  kedipe   e  Kosovake Raipesko.

Kedipe  ka   adikergyol  pe  ora 12:00,numay prezentyuno  ka  ovel  ini  sherunoministri Ramush  Haradinay, kova dive  pe  angleder  sine  pe  kedipe  ano  Bruksel  e  shefa vash  Avruni  Politika  e Evropaka  Uniaki,Federica Mogherini.

Sherunoministri Haradinay pe  olesko  lafipe  angledo  delegacia  e  Evroaka  Uniaki vakergya  kay “kosova isitoy dinamikuno amalipe,koya isila terne.On na  siton tromale kova  vash tumenge isito normaluno.On nay te len drom tromale,numay nay te mothaven tromalipe,nay khelna tromale,thay nay ovna pherdo kotor leipe   thay  yekhune  ano   selikano komuniteti  e  tromalipasko.  Mamuyipe akale  bibahtako,on phagna bariera,ini bizo vize,kote shay te reslon rezultatya e themutne nivelesko  ano sport,muzika,edukipe,inovacia. Thay akava   but lokipe shay te ovel resipe  e  Evropako”.