Ani Nacionaluni Kosovaki Biblioteka puterdili e ekpozita Romani Rajni kote si o picture e piktorake Farija Mehmeti thay RomaMoma biblioteka kotar o Daniel Baker.

E biblioteka puterdile pe bersh 2021 vash te anel ki godi o 50.to bersh e Romane Yekhto Kongresesko, kote si kompozime 150 pustika vash o literaluno, artistikuno, moderno kulturako kustikipe, koleksionipa o romane pustike jikay ano fokusi si o mothavipe e violencako thay e ushkaipasko e romani populacia.

Biblioteka RomaMoma aktivizingyola akharipa sar Adjacent, kotar o artisti Daniel Baker thay e Ekspozicia e 39 portretyengi kotar e kosovaki romani piktora Farija Mehmeti thay Bajram Mehmeti.

Akava kulturuno aktiviteti realziisalo kotar o ERIAC kote festuisalo vi e aleanca e kulturne diplomaciaki mashkaro ERIAC thay e Ministria vash o Komunitetya thay Iranipe, Ministria e Kulturaki, Ternengi thay Sporti, Germaniaki Ambasada ani Prishtina, thay o kotorleutne kotar e Kosova sar si o Avni Mustafa thay Edis Galushi.

Ano puteripa e ekpozitako lele kotor thay lafipya o jene: Sylejman Elshani – taloministri e Kulturako, Gazmen Salijevic – taloministri ani Ministria vash o Komunitetya thay Iranipe, Timea Junghaus – Direktora e ERIAC-oski, thay aver reprezentya.

Pe agor o ovipe laqhardilo yekhe koncerteya kotar o Gipsy Groove ani Nacionaluni Biblioteka e Kosovaki ani Prishtina.