Aktualune Nevipya

Falsifikipe e lovengo ani Prishtina,Prizren thay Vucitrn

  • 26/10/2018
  • By Romano Avazo
Share

Kosovaki policia ano 24 oryengo raporti dengya pe janibe vash trin sure e falsifikime lovengo,ani Prishtina,Prizren,thay Vucitrn Kosovaki Policia dengya pe janibe kay shoyuno dive pe ora 20:00 arestingya shtar mursha ani Prishtina,feri so pe lungipe e kontrolako ani vrda araklola thay isiton konfiksime pedero 2 mile metalune love, kota 5 frange thay 5 metalyune love kota 2 eurya kola siton falsifikime.Sar si kota prokurori,bipakyavno ingargyola ano adikeripe.

Policia dela janibe ini vash o falsifikimo suro e lovengo ano Prizren,kote ano drom “Zahir shoyuno dive pe ora 15:00 butikerutni ani banka,informingya kay kota bipakyavno lela lilesko lovo e 50 euryengo kova isito falsifikimo.

Lovo isito falsifikimo thay suro isito pe rodlaripe. Numay ayeka ini ano Vucitrn,yek butikerutno ani banka dengya janibe kay yek personi ano bankomati deponingya lovo kota 50 eurya,kova sito falsifikimo. Lovo isito konfiksimo thay suro isito pe rodlaripe.