juni    intervista  koya  kergya   Komisoneri    Evropaka Uniako  vash   buhlipe   thay politika  Johannes Hahn  e  ofiisionalune  kota  Prishtina  thay  Beograd, na  ande   rezultatya,numay   na  dende  kota  ni  yek  rig, ano  servisi te  ciden  decisipe  vash   takse ano  inporti   e  srbyune malyengo thay kota aver  rig, phiravipe   e  dialogesko  ano  Bruksel.

Srbyuno  presidento  Aleksandar  Vucic  vakergya  evropake  Komisionereske  vash  buhlipe   kay   o dialogi    ka  phiragyol  odoya  ver  kana  Kosovako  Raipen  achavla  takse  ano  inporti  e srbyune  malyengo,numay  sherunoministri  e  Kosovako  Ramush  Haradinay  vakergya  kay  o  takse   shay  te achagyon  odoya  ver kana  Srbiya  shay   penjarla  Kosovo.

Ani  konferenca  vash  stampa,evropako  Komisioneri  vakerindo  vash  takse,ano  srbyuno  thay  mali  kota  Bosna  Hercegovina,vakergya  kay sito vasno    te   araklol  alosaripe.

“Savore  simey shasherime  thay  kahraliye kana  prezentinde   yek  samatrandyuni  tarifa  e  srbiya   oy  shay  te  achol  ani forca,numay   te  fokusingyova  pe   leparni  svera. Amen  siyem  ani  Evropaki  Unia,penjarde  siyem  e  aktualune  pharipa  ano  inporti  thay  ano sakova  bulushipe   dengyem  propozipe   te  fokusingyova  ano  alosaripe  kana  sito  lafi   vash trego mashkar duy thema”,vakergya  mashkaro  sa  Han.

Pe  aver  rig,   sherunoministri  Haradinay  ano intervyu  TV  Kosovo Klan vakergya   kay  aver  hademi “reciprocitet”(ano  phanipe  e  Srbiya), kote  dengya  mol kay”vash  akana  obligipe  vash   importeski taksa  isitoy basutni masa”. Ov  vakergya  kay  na  ka  achol  kota  decisipe   vash  tena  meklol   khuvipe e  malyengo  e  hramea “Kosovo  thay  Metohiya” thay  kay  siton mase    kota  Raipe  “  diso  may  shayutno”

“Taksa  sar  instrumenti  vastingya   presidento   e  Amerikake  Yekhune Rashtrengo ,Donald  Tramp.Akava  isito  penjardo instrumenti, vastingyola  ano  buderi  sundaleske  thana.Akava isito  instrumenti  kova  amen   nay  araklem”,vakergya Haradinay.

Phiravno e   Socialdemokrativuna  iniciativako   Fatmir  Limay  adikerla   o   stavi  kota   Haradinay   kay  o  takse  pe  srbyuno   mali  te   achol ani forca, ji kay  na  reslola  lekanipe    vash  reciprociteti   mashkaro  duy  thana.

Ayeka diso  vakergya  ini   sheruno e  kosovake  parlamentesko Kadri  Veseli, vash  Televiziya  T7  kay    anglophiravipe  e  taksako  kota 100%  legetimuno dogripe,thay ka pakyala   kay   sherunoministri   isile  yek  plani.

Srbiyako  presidento   Aleksandar Vucic, kolea  Komisioneri  Han  vakergya  angledo  resipe  ani  Prishtina, ani  konferenca vash stampa  vakergya  kay  isito   na  shukarno  nevipe   kay  Prishtina   na  mangla  te  cidel  deciziya   e  taksaki  ano  srbyuno  mali,ji kay Srbiya  na  penjarla  Koosvako  biumlavipe.

“Me  mangava   olenge  te vakerav kay  Srbiya  na  mangla    te penjarel  kosovako  biumlavipe   thay kay  e Srbiya   pe  ayeka  servisi   diso  na  si  negocie. Achola  korkoro  te aravenmen  ano droma   thay  aver  problemya  sasavipeya   vash  olenge  na  ka  ovel” vakergya  Vucic.