Aktualune Nevipya

KQZ: O votuipasko proceso phiravgyola bi incidentyengo – 26.9 pe shell e dizutnengo votuinde ji pe ora 15:00

  • 17/10/2021
  • By Romano Avazo
Share

Centraluni Alosaripyengi Komisia (KQZ), informingya kay ji pe ora 15:00 dizutnengo kotorleipe ano votuipe si 26.95 pe shell vay 499 mile 828 votantya.

Sheruno e KQZ-esko, Kreshnik Radoniqi phengya kay o proceso e votuipasko phiravgyola ano sakova votuipasko than bizo incidentya.

Radoniqi phengya kay ano yekhuno vahti sar akana ano lokalune alosaripya e bersheske 2017 votuinde 541 mile 834 votantya vay 28.65 pe shel.

Yekhe dromea ov mothavgya kay sine yekh suro ani Ratoriguni Mitrovica, kote raportisalo kay yekh manush tentingya te kinel vote. Jikay e prokuroria si angazhimi ano akava suro.

Vi ayekha si nesave raportipya kay na si elektrikuni energia ani skolako obyekto thay yekh votanti kergya rovlarin kay nashti araklilo leskoro anav ani lista.