Ijune diveste ani konferenca vash stampa pali Raipyuni sesia,sherunoministri Ramush Haradinay,lela pe konsideripe kay Departamenti   rodingya te suspetingyol  obligipe  pedero importi e Srbiya thay malya kota Bosna thay Hecegovina,resipa  te putergyol  drom dogri  ano phiravipe e dialogesko  Kosovo-Srbiya ano Brisel,numay sasavipeya deklaringya  kay decisipe  vash taksa na ka cidingyol ji kay na reslola  somgodinipe  sah leipe kotor  vash penjaripe  e Koosvako kota Srbiyuni rig.

“Na siton inponime  takse vash te angloachavel somgodinipe.Numay,angledo   se te ovelamen  yek somgodinipe vash penjaripe,vash te phirava  cirko  kova sito khardo  dialogi  agorutne duy bersha,na si logika vash te cide.Te sine kay dengyola hrami pe lil  vash somgodinipe,dava shayaripe  vash akaboka dive kova sito shayutno te dengyol hrami”vakergya Haradinay.

Haradinay   vakergya  ajukerla  kay somgodinipe mashkar Kosova thay Srbiya  te dengyol hrami pe lil ji  pe 2022 bersh thay kay e taksa  ka ovel  ani forca ji pe odoya ver. Ov  vakergya  kay “Evropaki Uniya shay te janel  te sine kay akala duy thema  ano yek dive  na ovna som jeno Evropaka Uniake,na ka ovel alosardo  pucipe e Balkanesko”.

Pe lungipe ijune divesko,sherunoministri e Kosovako,na frdingya ini shayipe  vash cidipe e decisipasko pedero takse numay pedero srbyuno mali te achol  bizo funkciya,ayeka sar na ka mekhel te reslol jip e koorijipe  samatradako e Srbiya.

Kosovake analistya pakyana kay akava mesazhi kota Amerikake Yekhune Rashtre isito but sar dendo zor thay kay manglape te  araklol   yek servisi  te respodingyol pozitivuno vash olengi manglin.

Dardan Gashi, yaveruno ministri ijune diveste ani emisiya”Zona B” ano Klan Kosova vakergya  kay na sito korkoro sheruno “bango” feri so decisipe  vash phiravipe e taksako  pedero srbyuno thay bosnako mali,sine savorengo decisipe. Ov vakergya  kay na sitoy dogrimi mamuy Evropaki Uniya numay ini mamuy partnerya e Amerika,numay isitoy dogrimi mamuy na dogripe vash agresivuni Srbyuni politika.

“Sheruno na sito odova kova phiravla diyalog, sheruno sine  angazhimo te ovel kotor e diyalogesko,thay takse shay te oven kotor diyalogesko. Numay,te sine kay o takse  vash amare mashkar selikane mikya  isiton ano achavipe,oy shay te  konsideringyol”,vakergya Gashi.

Sasavipeya ini Daut Haradinay ani emisiya “Rubikon” ani televiziya Koha Vizion vakergya kay ovla sine shuka  te perel Raipe sebepi e decisipasko  vash tena cidingyon takse ano importi e srbyune malengo ,thay odoya ver diklola sine”ko sito,a ko na vash suvreniteti e Kosovake themesko”.

KosovaLive – Violeta Oroshi Berishaj