Resipeya kay te upral yekh profesionaluno  raporti e yekha bershuna bukyako te sikavolpe   o suksesi thay o prioritetya deipea vash yekh oryentipe e sahastarda situaciyako kolencar qhalavnape o Romano, Ashkalyuno thay Ejiptasyuno komuniteti ano Kosovako malipe sine  aktiviteti  adikerdo ano Prishtinako hoteli “ SIRIUS” kotar e NRO-ya “Vorae Ngo Kosovo”

E sahastardi situaciya sar dikhlarla o raporti kotar e organizaciya “Vorae Ngo Kosovo”  kolaki si selya ani Graqanicaki komuna ano sherunipe e r.Isak Skenderi,  si alarmantyuno sine nesave alavya leparde ano poro vakeripe  kotar o r, Skenderi. Khedipe upral kova e organizaciya “Vorae Ngo Kosovo” e publikinla para bukyako bershuno raporti Raporti upral o aksesi e qhayengo thay e personyengo e limitime zoralipyengo kotar o komunitetya roma, ashkaliye thay ejiptasya publikime pe buhlipe e khedipesko sine statistike kola sikavna yekh trajikuni situaciya.

Ano siklipe 14% e qhayengo agorinde numay e elementaruni skola, 33% agorinde mashkarutni skola, 7% silen universitaruni diploma. Darutno fakti si kay 7% na registrisale niyekh ver ani skola, vay 30% yavera sinelen numay nesave bersha siklipe. Ani buti,  88% e qhayengo si bizo buti thay niyekh ver na sine ani buti , kote numay 8% olendar si registrime ano statisu e bizobukyako ano Komunaluno Ofiso vash e Buti, sine nesave statistike kotar o rodlaripya kola kerdile kotar e organizaciya VoRAE interpetimo kotar o sheruno akala organizaciako o r. Isak Skenderi.

Pe akava khedipe lela kotor e ambasadorka e Filandiyaki Pia Stjernval, potenciripeya kay o arakhipya ano raporti si but alamartyune vash savore amen thay amen pe avipe sasavipea manglape te la kokretune akciye ano akava direktipe.

Ani yever rig o deputeti e Kosovaka Kupatnako kotar o PSD, Driton Çaushi, naysi kergya vash akava organizipe thay informipe kova sikavla o dendo raporti. Identikuno godinipe sinele ini o Pirjo Säskilahti kotar o  Helsinki Deaconess thay yavera reprezentya kola lele kotor pe khedipe

Akava studipe avla sar kotor e yekha may buhla viziako kotar o VoRAE kova fokusingyola ano phikodeipe e upreleperde koimunitetyengo ani Kosova, upral o direktyune interviste, tehnikuno phikodeipe thay deipe godi ano umalya sarsi; buti, edukipe,beshipaske thana thay manushikane hakaya.

Pherdo raporti si te ovel ani dispoziciya sigate ani ofisyaluni qham e organizaciyaki VoRAE siklova kotar socialune rafinya e “Vorae ngo Kosovo”.

Data 05.10.2018.

RADIO ROMANO AVAZO